XUNTES
SOMOS MÁS. Tolos 8 de marzu reivindicamos la xuntanza ente muyeres
pa defender los nuesos derechos algamaos. La llucha conxunta de
milenta muyeres del mundu empobinó depués en grandes victories pa
toes nosotres y trúxonos dalgunos derechos que tenemos anguaño.
Esos derechos tomaron forma pol llabor de muyeres activistes,
sufraxistes y sindicalistes que trabayaron pola Segunda República,
llucharon na Guerra civil y combatieron escontra l’imperialismu.
Anguaño, entá queda trabayu enforma y nun nos queda otra que siguir
lluchando.
La
sororidá ye la nuestra arma, ye lo que nos permite siguir. La fecha
del 8 de marzu ye nuestra, internacional y reivindicativa. Güei, 8
de marzu, les muyeres de tol mundu tamos convocaes a la FUELGA
FEMINISTA.
La
nuesa identidá ye múltiple, somos diverses. Vivimos na aldea y na
ciudá, trabayamos no llaboral y nos cuidaos. Somos payes, xitanes,
migraes y racializaes. Nun tenemos edá y sabémonos lesbianes,
trans, bisexuales, inter, queer, hetero,.. Somos les que nun tan,
somos les asesinaes, les preses. Somos toes. Xuntes paramos el mundu
y glayamos ¡Valió yá! Ante toles violencies que mos arrodien.
Valió
yá d’agresiones, humillaciones, marxinaciones y esclusiones.
Esiximos qu’el pautu d’Estáu escontra les violencies machistes
cunte con recursos y medios pal desendolque de polítiques riales y
efeutives cola fin d’algamar una sociedá llibre de violencies
contra les muyeres, moces y neñes. Denunciamos la represión contra
les persones que lluchen polos derechos sociales y reproducciones.
Yá
valió de violencies machistes, cotidianes ya invisibilizaes que
sofrimos les muyeres seya la que seya la so edá y la clas social.
Queremos poder movenos en llibertá per toes partes y a toes hores.
Siñalamos y denunciamos la violencia sexual en toles sos estayes y
muncho más marcada coles muyeres en situación de vulnerabilidá
como migraes y trabayadores doméstiques. Ye urxente que la nuesa
reivindicación “Nin una menos” seya una realidá.
Valió
yá d’opresión a cuenta de les nuestres orientaciones e identidaes
sexuales. Denunciamos la LGTBIfobia social, institucional y llaboral
que sofrimos munches de nós, como otra forma de violencia machista.
Somos muyeres y somos diverses.
¡MUYERES
LLIBRES, EN TERRITORIOS LLIBRES!
Les
muyeres caltenemos la vida. El trabayu na casa y cuidaos que facemos
les muyeres ye fundamental pal sostenimientu de la vida. El fechu de
que seya un trabayu ensin salariu o devaluáu ye una trampa más del
capitalismu. Güei, cola fuelga de cuidaos na familia y na sociedá
damos visibilidá a un trabayu que naide quier reconocer, ya seya na
casa, mal pagáu o como parte de la economía sumerxida.
Reivindicamos que’l trabayu de cuidaos seya reconocío como un bien
social de primer orde y esiximos la redistribución d`esti tipu de
xeres.
Güei
puxamos por una sociedá llibre d’opresiones, d’esplotación y
violencies machistes. La rebeldía y la llucha son la solución ante
la xuntanza ente`l patriarcáu y el capitalismu que mos quier
dóciles, sumises y callaes.
Nun
aceutamos tar sometíes a piores condiciones llaborales nin a cobrar
menos que los homes pol mesmu trabayu. Poro, güei también facemos
Fuelga llaboral.
Fuelga
escontra los “techos de cristal” y la precariedá llaboral. Los
trabayos tan marcaos pela temporalidá, les duldes, baxos salarios y
xornaes parciales non deseaes. Nosotres enllenamos les llistes del
paru, munchos de los llabores que facemos nun tienen garantíes o nun
tan regulaos. Y cuando dalgunes tenemos “meyores” trabayos,
atopámonos con que los puestos con más sueldu y responsabilidá tan
en manes de homes. La empresa privada, la pública, les instituciones
y la política reproducen la brecha de xéneru.
Valió
yá de discriminación salarial pol fechu de ser muyer, de
menospreciu y acosu sexual nel trabayu.
Denunciamos
que ser muyer ye la primer causa de probitú y amás, de que la nuesa
diversidá seya castigada y refugada. La precariedá ye enforma mayor
cuando más edá se tien, por ser migrada y tar racializada y tamién
pola diversidá funcional o una imaxe alloñada de la norma.
Reivindicamos que la nuesa situación llaboral seya lo más afayadiza
posible pa poder desendolcar un proyeutu de vida con dignidá y
autonomía. Ye dicir, que l’empléu ye`l que tien se adaptar a les
necesidaes de les muyeres. L’embarazu o los cuidaos nunca nun
pueden ser oxetu de despidu nin de marxinación llaboral nin tampoco
deben fender les nueses expectatives personales nin profesionales.
Esiximos
tamién les pensiones que ganemos col nuestru trabayu. Enxamás
pensiones de miseria que oblíguennos a sofrir probeza na vieyura.
Pedimos la cotitularidá de les pensiones y qu`el tiempu destináu a
les xeres de cuidaos, o desendolcaes como llabriegues, seya reconocíu
a la hora de facer el cálculo de les pensiones como na estaya
llaboral. Lluchamos por la ratificación del convenio 189
de la OIT que regula’l trabayu doméstico.
Glayamos
contra`l neoliberalismu xabaz que s’impón como pensamientu únicu
a escala mundial y amás esgoncia’l planeta y les nueses vides. Les
muyeres tenemos un papel cimeru nesi sen, na llucha escontra`l cambiu
climáticu y na preservación de la biodiversidá. Poro, defendemos
la soberanía alimentaria de los pueblos. Sofitamos el trabayu de
munches compañeres que cuiden los sos cultivos y el so tarrén
poniendo la so vida en peligru. Esiximos que la defensa de la vida
seya l’epicentru de la economía y la política.
Esiximos
ser protagonistes de les nueses vides, de la nuesa salú y de los
nuesos cuerpos, ensin presiones estétiques. Los nuesos cuerpos nun
son mercancía nin oxetos, d’ehí que planteguemos tamién fuelga
de consumu. Valió ya ser utilizaes como reclamu¡¡¡
Esiximos
tamién la despatoloxización de les nuestres vides, les nuestres
emociones, les nuestres circunstancies: la medicalización respuende
a intereses de grandes empreses, non a la nuesa salú. ¡Valió ya de
considerar los nuestros procesos de vida como enfermedaes¡
La
educación ye la etapa principal na que definimos les nuestres
identidaes sexuales y de xéneru. Les estudiantes, les mayestres, la
comunidá educativa y el movimientu feminista llucha y desixe el
derechu a una educación pública, laica y feminista. Llibre de
valores heteropatriarcales y dende los primeros tramos educativos,
nos que hai mayoría de muyeres como profesores hasta la universidá.
Reivindicamos tamién el nuestru derechu a una formación
afectivo-sexual que deprenda na diversidá, ensin mieos, ensin
complexos, ensin cosificar y que refugue les agresiones machistes y
LGTBifóbiques nes aules.
Esiximos
un avance na coeducación en toles estayes de formación y una
educación que nun dexe la hestoria de les muyeres nos márxenes de
los llibros de testo y na que esista una perspectiva de xéneru
transversal. ¡¡Nun somos una esceición, somos una constante que
foi callada”
PUXA
LA FUELGA DE CUIDAOS, DE CONSUMU, LLABORAL Y EDUCATIVA PUXA LA FUELGA
FEMINISTA
¡VIVAN
LA HUELGA DE CUIDADOS, DE CONSUMO, LABORAL Y EDUCATIVA!
¡VIVA LA HUELGA FEMINISTA!
¡VIVA LA HUELGA FEMINISTA!
:
Nenguna
muyer ye illegal. Decimos ¡Valió yá! Al racismo y la esclusión.
Glayamos: ¡Non a les guerres y a la fabricación de material bélicu!
Les guerres son productu y estensión del patriarcáu y del
capitalismu pal control de los territorios y les persones. Les
consecuencies directes de les guerres son milenta muyeres refuxaes
pel mundu, muyeres que tamos siendo victimizaes, escaecíes y
violentaes. Esiximos l’acoyida de toles persones migraes, seya pol
motivu que seya. ¡Somos
muyeres llibres en territorios llibres¡
Denunciamos
los
retayos presupuestarios nos sectores que más tienen que ver coles
muyeres: el sistema de salú, los servicios sociales y la educación.
Denunciamos
la corrupción como un factor qu’agrava la crisis.
Denunciamos
la xusticia patriarcal que nun nos considera persones con plenos
derechos.
Denunciamos
la grave represión y retayos de derechos que tamos sofriendo.
Esiximos
igualdá de derechos y condiciones de vida, y la total aceptación de
la nuestra diversidá.
¡Querémonos
llibres, querémonos vives, feministes, combatives y rebeldes!
El
8 de marzu entama la llucha, nun hai vuelta p’atrás